“NA VOTA, U TI POTIA MACIARE NU POCU E PANE … SENTITI FIGGHIOLI CARI CCHISSAVIA DDE FARE.

 

Na vota u ti potia manciare nu posu e pane e castagna o e granu avia e fare, figghioli cari, i sati mortali, e sentiti cchi ssavia de  fare:

primu avia e portare i pastilli allu mulinu e quannu u mulinare ti dava lla farina jia duve a furnara ppe quale jiornu ti potia fare u pane.

 

        Stabilitu u jiornu jia allu voscu e ti preparava nu mazzu e frasche e le portava alla furnara ppennu poi un’ardia u furnu.

Poi allora cce volia llu levatu e avia e girare u paisa sanu u tu potianu prestare.

 

        Fattu chissà levitava a pasta ccu llu levatu e poi quannu era tuttu prontu a furnara, a matina prestu, venia e si pijiava lu pane, doppu lavia scanatu e lu portava allu furnu.

 

Doppu nu paru d’ure u pane se cucinava e sse mannavanu e pitte, cavude cavude, alle cummari e alli parenti stritti.

Doppu sa faticata ti potia manciare, prima a pitticella cu due sarde salate oppure cu nu pocu e grassu e maiale ogghiu e pipiola pistata… e te scialava a panza. E ccussi figghioli cari savia dde fare.

   

Pentone dicembre 1950