S’apera e chjiuda ‘ u cielu,
attramente ss’aprile s’assetta mparu,
supra sta valle c’addura ‘e gelu…
dintra li hjiuri ‘e stu vecchjiu panaru.
Nzeme a sta catarratta troppu ata
se sciala o se raschina na bbona vrancata.
S’azanu i rizzi e caminanu ‘e notte,
vulanu l’ocelli cchjiu’ forte de botte,
se revigghjia u munnu, comu a cumannu,
u tempu de l’amuri è sicuru ‘u guannu …
S’apera e chjiuda ‘ u cielu,
pinnichia l’occhji nu figghjiolu luntanu,
ca si spagna nomma è sulu
e circa ancunu u li tena a manu.
Mina ssu ventu ca para ca cunta
l’omu com’era e comu ha jutu u se unta …
Dintra su quatru pittatu ‘e garbu,
Dintra a jestima e sti cavuni,
criscianu citruli ma l’Ortolanu è sarbu,
l’arburu delu core s’inchjia ‘e jettuni …
Guido Capilupi
